Di + Mi Ruhetag

Tradition & Gaschtfründschaft

Sit meh aus 200 Jahr wird im Hirsche Chautacher usgschänkt, kochet und gwirtet. Mitemne Bsuech bi üs wärdet ou Dir Teil vore lange Tradition. Scho ider 4. Generation si dr Daniel Moser und Kathrin Oppliger Gaschtgäber und verwöhne ou Euch vo härze gärn! Aues wome voremne Bsuech gärn wüsst finget Dir uf dere Site.

Tisch reserviere

Grüessech Mitenang

Mir bruche no tatchräftigi Ungerstützig im Service u sueche e Reschtourant Fachfrau/Maa 1-2x ir Wuche.

ds Auter spiut ke Roue, wär das öppis für Öich de lütet dr Kathrin Oppliger a: 034 422 32 16

Scho gseh?

Programm ansehen

Gärn schteue mir üs uf dere Site vor u mache Öich hoffentlech gluschtig bi üs inedsluege. Fasset es paar Idrück vo üsne Rüm und üsem Agebot. Weme ide Ämmitaler Höger ungerwägs isch u viu Wasser verlürt biete mir e guet bedienti Tankschteu für jedes Gusto, zwar nid immer aber wenn, de sehr gärn! D'Bewirtigszyte gseht dir unger Kontakt oder ganz unge uf der Site, um üs ds finge hets e Plan u wes doch nid söt klappe heimer ou es Telefon.

Öpper mit Velo-, Töff- oder angere Hose schreckt üs nid ab. Ou dene biete mir e offni Tür fürne Sterchig u d'Erholig vom Chrampf. O ir Gruppe, sigs e Teamusflug, e Klassezämekunft oder e Geburifyr, mir begrüesse ou e grösseri Tschuppele. Machet es Reisli zrugg ir Zyt u Dir wüsset wär früecher hie het gwirtet.

Viu Vergnüege bim Schnöigge...

Üsi Agebot

Üsi Spyscharte bietet Abwächsligsrichs us dr Umgäbig u Exotischs us dr Ferni.
Fründe vo Schwizerwy si bi üs genau richtig.
Aschtosse mit üsem nöie Bier, Heimiswilerhärz häu u im Winter ou dunku.....
Es würd üs fröie, Öich dörfe ds bewirte u ds verwöhne.
Vom eifache Apero bis zum Feschtschmuus erfüue mir Öie persönlech Wunsch.
Gärn höckle mir mit Öich zäme u planes gmeinsam.

zur Agebots Übersicht

Tradition im Hirschen

Schon 1689 schenkte Christen Aebi in der Heimismatt Wein aus, als er trotz Verbot «auf dem Leüwen auf Heimismatt, Wein und allerhand gebrönnte Wasser» verkaufte drohte die Berner Regierung, «ihne in Gefangenschaft leggen zu lassen» (Mandat vom 6. März 1695).

Vieles ist seither im Hirschen gegangen. Viele Leute gingen ein und aus. Bis Heute besteht die Tradition der Gastfreundschaft.

Seit 1996 sind nun Daniel Moser und Kathrin Oppliger die Gastgeber im Hirschen und verwöhnen Jung und Alt.

Hie geits zur ganze chronik

Öffnungszeiten